Monday, 16 November 2026
Latest
কেনে যাব আপোনাৰ আজিৰ দিনটো: কি কয় ৰাশিচক্ৰই‘ভাৰতক অপমান কৰিলে কোনে হাঁহে?’ ইটালীৰ নেতাৰ শ্লোগানক লৈ ৰাহুল গান্ধীক আক্ৰমণ বিজেপিৰ…যান-জঁট নাই, গাড়ীৰ হৰ্ণ নাই, নাই ব্যস্ততাৰ দৌৰ! শিলৰ বুকুত লুকাই আছে পৃথিৱীৰ এখন আশ্চৰ্যকৰ চহৰ…১ লাখ টকা ধাৰ লৈ পত্নীৰ সৈতে ডেটিং! ৰবি কিষাণৰ পৰা টকা লৈ কি কৰিলে মনোজ তিৱাৰীয়ে?মহাকাশৰ পৰা উভতি আহি লঞ্চপেডতে অৱতৰণ! আকাশতে Starship-ক ‘ধৰিলে’ SpaceX-এ, বিশ্বজুৰি চৰ্চা এলন মাস্কৰ…আমেৰিকাৰ আকাশত বিমান সংকট! ৪০০০ৰো অধিক বিমান বাতিল, ১০ হাজাৰৰো অধিক পলম, হঠাতেই হ’ল কি?SIR-ত বাদ পৰিল ভোটাৰৰ নাম? চিন্তা নাই, পুনৰ ভোটাৰ হ’বলৈ পূৰণ কৰক ফৰ্ম-৬! ডাঙৰ ঘোষণা নিৰ্বাচন আয়োগৰ…আপোনাৰ আজিৰ দিনটোৰ ৰাশিফল
Top News

মহাকাশৰ পৰা উভতি আহি লঞ্চপেডতে অৱতৰণ! আকাশতে Starship-ক ‘ধৰিলে’ SpaceX-এ, বিশ্বজুৰি চৰ্চা এলন মাস্কৰ…

মহাকাশলৈ উৰা মাৰিলে ৰকেট, কিন্তু উভতি আহোঁতে মাটিত অৱতৰণ কৰাৰ পৰিৱৰ্তে আকাশতে ৰকেটক ধৰিলে প্ৰকাণ্ড যান্ত্ৰিক হাতে। বিজ্ঞান-কল্পকাহিনীৰ দৃশ্য যেন বাস্তৱত পৰিণত কৰিলে এলন মাস্কৰ কোম্পানী SpaceX-এ।

১৪ নৱেম্বৰত আমেৰিকাৰ টেক্সাছৰ Starbase-ত সংঘটিত হ’ল এই ঐতিহাসিক ঘটনা। SpaceX-ৰ বিশাল Starship মহাকাশযানখনে প্ৰায় ২২ ঘণ্টাৰ মহাকাশ যাত্ৰা সম্পূৰ্ণ কৰি পৃথিৱীলৈ উভতি আহে। তাৰ পিছত লঞ্চ টাৱাৰত থকা দুটা প্ৰকাণ্ড যান্ত্ৰিক বাহুৰ মাজত অৱতৰণ কৰে মহাকাশযানখন। এই বাহু দুটাক জনপ্ৰিয়ভাৱে ‘চপষ্টিকছ’ বুলি কোৱা হয়।

এই অভিযানৰ সময়ত Starship-এ পৃথিৱীৰ চাৰিওফালে ১৪ বাৰ প্ৰদক্ষিণ কৰাৰ লগতে ২৬টা Starlink উপগ্ৰহ কক্ষপথত স্থাপন কৰে। পৃথিৱীৰ বায়ুমণ্ডলত পুনৰ প্ৰৱেশ কৰাৰ সময়ত প্ৰচণ্ড তাপ সহ্য কৰি মহাকাশযানখনে সফলতাৰে লঞ্চপেডত উভতি আহে।

কিন্তু অভিযানৰ সকলো পৰিকল্পনা সফল নহ’ল। Starship-ৰ সৈতে উৰা মৰা Super Heavy Booster-টো উভতি আহি যান্ত্ৰিক বাহুত ধৰা দিয়াৰ পৰিকল্পনা আছিল। কিন্তু কাৰিকৰী সমস্যাৰ বাবে সেই প্ৰচেষ্টা বাতিল হয় আৰু বুষ্টাৰটো মেক্সিকো উপসাগৰত বিস্ফোৰিত হয়।

এই সফলতাই মহাকাশ অভিযানৰ খৰচ হ্ৰাস আৰু ৰকেট পুনৰ ব্যৱহাৰৰ দিশত নতুন সম্ভাৱনা মুকলি কৰিছে। এলন মাস্কৰ লক্ষ্য কেৱল পৃথিৱীৰ কক্ষপথ নহয়, চন্দ্ৰৰ পৰা মংগল গ্ৰহলৈকে মানুহক লৈ যোৱা। এতিয়া প্ৰশ্ন এটাই—ভৱিষ্যতে মহাকাশ যাত্ৰাও বিমান যাত্ৰাৰ দৰে সহজ আৰু সুলভ হ’বনে?

Leave a Reply

Your email address will not be published. Required fields are marked *

Get the day’s biggest stories first

One beautiful briefing every morning. No spam, unsubscribe anytime.