পিতৃ ভাৰোত্তোলনকাৰী, ১৭ কেজি ওজন কমাই টীম ইণ্ডিয়াত স্থান দখল পুত্ৰৰ
বৰ্ডাৰ-গাভাস্কাৰ ট্ৰফীৰ বাবে ভাৰতীয় দলৰ ঘোষণা কৰা হৈছে। ২২ নৱেম্বৰৰ পৰা আৰম্ভ হ’ব বৰ্ডাৰ-গাভাস্কাৰ ট্ৰফী। ১০ নৱেম্বৰত অষ্ট্ৰেলিয়ালৈ ৰাওনা হ’ব টীম ইণ্ডিয়া।
অষ্ট্ৰেলিয়া ভ্ৰমণৰ বাবে নিৰ্বাচিত টীম ইণ্ডিয়াত স্থান লাভ কৰিছে এজন খেলুৱৈয়ে, যিয়ে নিজকে ফিট আৰু সুস্থ কৰি ৰাখিবলৈ ১৭ কেজি ওজন কমাবলৈ সক্ষম হৈছে। নিজৰ গৃহ দেশত অষ্ট্ৰেলিয়ান দলটোৰ বিৰুদ্ধে খেলাটো তেওঁৰ শৈশৱৰ সপোন আছিল আৰু যিয়ে যোৱা অষ্ট্ৰেলিয়া ভ্ৰমণত ভাৰতক উৎসাহিত কৰি সেই সপোনক জীয়াই ৰখাৰ আন এক উদ্দেশ্য লাভ কৰিছে।
আমি ক’বলৈ উলাইছো দুৰন্ত বলাৰ হৰ্ষিত ৰানাৰ কথা, যিয়ে প্ৰথমবাৰৰ বাবে টীম ইণ্ডিয়াৰ টেষ্ট দলত স্থান লাভ কৰিছে।
২২ বছৰীয়া হৰ্ষিত ৰানা আই পি এলৰ পৰা ওলাই অহা এগৰাকী তাৰকা, য’ত তেওঁ গৌতম গম্ভীৰৰ মেণ্টৰশ্বিপত কলকাতা নাইট ৰাইডাৰ্ছৰ হৈ আচৰিত প্ৰদৰ্শনেৰে সকলোৰে দৃষ্টি আকৰ্ষণ কৰিছিল।
অসমৰ বিৰুদ্ধে ৰঞ্জী ট্ৰফীত ৫টা উইকেট দখল কৰি তেওঁ ভাৰতীয় টেষ্ট দলত নিৰ্বাচিত হোৱাটোকো ন্যায্যতা প্ৰদান কৰিবলৈ চেষ্টা কৰিছে।
হৰ্ষিত ৰাণা সৰুৰে পৰাই বৰ্ডাৰ-গাভাস্কাৰ ট্ৰফীক লৈ উৎসাহিত আছিল। ইণ্ডিয়ান এক্সপ্ৰেছক দিয়া এক সাক্ষাৎকাৰত তেওঁ কয় যে, পিতৃৰ সৈতে ভাৰত-অষ্ট্ৰেলিয়াৰ টেষ্ট মেচ অতি আগ্ৰহেৰে উপভোগ কৰিছিল। ৰাণাই কয় যে তেওঁ ৬ বছৰ বয়সৰ পৰাই বৰ্ডাৰ-গাভাস্কাৰ ট্ৰফী চাই আহিছে, যিয়ে তেওঁক প্ৰতিটো মুহূৰ্ততেই দেশৰ হৈ খেলিবলৈ প্ৰেৰণা যোগাইছে।
২০২৩ চনৰ নৱেম্বৰৰ পৰা মাৰ্চ মাহত আই পি এল ২০২৪ আৰম্ভ হোৱালৈকে তেওঁ ১৭ কেজি ওজন কমিছিল। হৰ্ষিতে কয় যে টিম মেনেজমেণ্টে তেওঁৰ কামৰ ভালদৰে যত্ন লৈছে। টীম ইণ্ডিয়াৰ সৈতে প্ৰশিক্ষণ লৈ তেওঁ বহু কথা শিকিবলৈ পাইছে। তেওঁ কয় যে, তেওঁ নিজকে তিনিওটা ফৰ্মেটৰ বলাৰ হিচাপে চাব বিচাৰে।
অষ্ট্ৰেলিয়া দখল কৰিবলৈ সাজু
অষ্ট্ৰেলিয়া ভ্ৰমণত আধিপত্য বিস্তাৰ কৰিবলৈ উত্ৰাৱল আছিল হৰ্ষিত ৰাণা। তেওঁ কয় যে তেওঁ অষ্ট্ৰেলিয়ালৈ যোৱাৰ বাবে তেওঁ যথেষ্ট আত্মবিশ্বাসী। অষ্ট্ৰেলিয়া ভ্ৰমণৰ বাবে টীম ইণ্ডিয়াত বাছনি কৰা হৰ্ষিতে কয় যে, তেওঁ সদায় অষ্ট্ৰেলিয়াৰ বিৰুদ্ধে খেলিব বিচাৰি আছিল, যাৰ বাবে এতিয়া তেওঁ যথেষ্ট সুখী।
