বাক্সাত উপস্থিত হৈ পদত্যাগ সন্দৰ্ভত কি ক’লে মুখ্যমন্ত্ৰীয়ে?

বাক্সাৰ নিকাছীত উপস্থিত হৈছে মুখ্যমন্ত্ৰী ড০ হিমন্ত বিশ্ব শৰ্মা। তাত উপস্থিত হৈ স্থানীয় লোকৰ সৈতে মত বিনিময় কৰে মুখ্যমন্ত্ৰীয়ে। লগতে আহতসকলক চেক বিতৰণো কৰে ড০ শৰ্মাই।

দীপক মেধি, বিদ্যুত কলিতাক ২ লাখ টকাৰ চেক বিতৰণ কৰে মুখ্যমন্ত্ৰীয়ে। বুধবাৰে বাক্সা কাৰাগাৰৰ সন্মুখত সংঘটিত হৈছিল এই ভয়ংকৰ ঘটনা। ইতিমধ্যে ঘটনাৰ লগত জড়িত ১১ জনক গ্ৰেপ্তাৰ কৰা হৈছে।

বাক্সাত উপস্থিত হৈ মুখ্যমন্ত্ৰীয়ে কয় যে, -আজি যদি তেওঁ পদত্যাগ কৰে, তেন্তে অসমৰ ৫০% আন্দোলন আজিয়েই শেষ হৈ যাব। লগতে ড০ শৰ্মাই কয় যে, তেওঁ পদত্যাগ কৰাৰ পিছত গৌৰৱ গগৈক মুখ্যমন্ত্ৰী পাতি দিলে বাকী ৫০% আন্দোলনো শেষ হৈ যাব।