নাৰী আৰু কন্যা শিশুৰ নিৰাপত্তাক লৈ পুনৰ উত্থাপন হৈছে এক গুৰুতৰ প্ৰশ্ন। ক্ৰমাৎ উদ্বেগজনক হৈ পৰিছে এখন বৃহৎ চহৰখনত যৌন হিংসাৰ ঘটনা। আৰক্ষীৰ তথ্যৰ উদ্ধৃতি দি সংখ্যালঘু অধিকাৰৰ এটা আগশাৰীৰ সংস্থা এটাই প্ৰকাশ কৰা অনুসৰি, ২০২৬ চনৰ প্ৰথম আঠ মাহতে লাহোৰত ৪৯৮টা ধৰ্ষণ আৰু ৩৬টা দলবদ্ধ ধৰ্ষণৰ গোচৰ পঞ্জীয়ন কৰা হৈছে।
আৰক্ষীৰ তথ্য অনুসৰি, ধৰ্ষণৰ গোচৰৰ ক্ষেত্ৰত এই অঞ্চল শীৰ্ষত আছে। এই অঞ্চলত ১৩২টা গোচৰ পঞ্জীয়ন হৈছে। আনহাতে, মডেল টাউনত ৯৮টা, কেণ্টনমেণ্টত ৯২টা, ইকবাল টাউনত ৮০টা, চিটি অঞ্চলত ৫৬টা আৰু চিভিল লাইনত ৪০টা গোচৰ পঞ্জীয়ন কৰা হৈছে।
তথ্য মতে, সামাজিক কলংক, পাৰিবাৰিক হেঁচা, আৰক্ষীৰ প্ৰতি অনাস্থা আৰু অপমানৰ ভয়ত বহু ভুক্তভোগীয়ে নিৰ্যাতনৰ কথা প্ৰকাশ কৰিবলৈ সাহস নকৰে। ফলত বহু ঘটনা পোহৰলৈ নাহে। এই পৰিসংখ্যাই এতিয়া ব্যাপক উদ্বেগৰ সৃষ্টি কৰিছে।
শেহতীয়াকৈ এগৰাকী ২০ বছৰীয়া আজাৰবাইজানৰ মহিলাক দলবদ্ধ অপকৰ্ম কৰাৰ অভিযোগেও ব্যাপক চৰ্চা লাভ কৰিছে। এই ঘটনাই আন্তঃৰাষ্ট্ৰীয় পৰ্যায়ত উদ্বেগ বৃদ্ধি কৰিছে।
উল্লেখ্য যে, এই ঘটনাসমূহ পাকিস্তানৰ লাহোৰ চহৰত সংঘটিত হৈছে। সংস্থাটোৱে এই পৰিস্থিতিক কেৱল আইন-শৃংখলাৰ সমস্যা নহয়, বৰঞ্চ প্ৰতিষ্ঠানগত ব্যৰ্থতা বুলিও অভিহিত কৰিছে। সংস্থাটোৱে ভুক্তভোগীৰ সুৰক্ষা, দোষীৰ বিৰুদ্ধে কঠোৰ ব্যৱস্থা আৰু ন্যায় নিশ্চিত কৰাৰ দাবী জনাইছে।
